"Манчестер Юнайтед" мавсум охиригача сотилиши мумкин.

BBC Sport хабарига кўра, агар Глейзерлар клубни сотса, шартнома баҳоргача амалга ошиши мумкин.

Аввалроқ, 2005 йилдан бери клубга эгалик қилган Глейзерлар оиласи клубни сотишга тайёрлигини маълум қилганди. Бироқ, агар улар нархдан қаноатлансагина, сотув амалга ошиши таъкидланган.

Янги хўжайинлар "Олд Траффорд"даги шошилинч ишларни ҳам молиялаштиришлари керак бўлади. Битим учун ҳеч қандай муддат белгиланмаган.

Тахминларга кўра, Глейзерларнинг клуб тарафдорлари орасида машҳур эмаслиги сотув жараёнида афзаллик бўлади, чунки янги хўжайинлар жамоани қўлга киритиш орқали фойда кўришлари мумкин.

2005 йилнинг май ойида глейзерлар «Юнайтед»ни 790 миллион фунт стерлингга сотиб олганди.