«Tottenxem» va «PSJ» sobiq bosh murabbiyi Maurisio Pochettino «Manchester Yunayted» hujumchisi Markus Reshford haqida o‘z fikrlari bilan o‘rtoqlashdi.
Argentinalik mutaxassis hozirda Qatardagi jahon chempionatida o‘z terma jamoasi sharafini himoya qilayotgan angliyalik hujumchiga doim xayrixoh bo‘lganini tan oldi.
«Menimcha, u ajoyib futbolchi. Unga faqat eng yuqori darajaga erisha olishiga ishonch kerak, chunki u doimo kerakli fazilatlarga ega bo‘lgan», dedi Pochettino.
25 yoshli Reshford joriy mavsumda "mankunianliklar" safida 19 ta o‘yinda maydonga tushib, 8 ta gol urdi va 3 ta golli uzatmani amalga oshirdi.
