«Тоттенхэм» ва «ПСЖ» собиқ бош мураббийи Маурицио Почеттино «Манчестер Юнайтед» ҳужумчиси Маркус Рэшфорд ҳақида ўз фикрлари билан ўртоқлашди.

Аргентиналик мутахассис ҳозирда Қатардаги жаҳон чемпионатида ўз терма жамоаси шарафини ҳимоя қилаётган англиялик ҳужумчига доим хайрихоҳ бўлганини тан олди.

«Менимча, у ажойиб футболчи. Унга фақат энг юқори даражага эриша олишига ишонч керак, чунки у доимо керакли фазилатларга эга бўлган», деди Почеттино.

25 ёшли Рэшфорд жорий мавсумда "манкунианликлар" сафида 19 та ўйинда майдонга тушиб, 8 та гол урди ва 3 та голли узатмани амалга оширди.