Germaniya prezidenti Frank-Valter Shtaynmayer milliy terma jamoaning Qatardagi jahon chempionatidagi muvaffaqiyatsiz o‘yini haqida gapirdi.
"Bu bizning turnirimiz emas edi. Butun mamlakat jamoani pley-off bosqichida qo‘llab-quvvatlashni xohlaydi. Ammo chuqur nafas olib, biroz dam olish vaqti keldi. Terma jamoa navbatdagi katta turnirga yangi kuch bilan borishi kerak. Kelajakda muvaffaqiyatlar tilayman”, — deya ijtimoiy tarmoqda xabar qoldirgan mamlakat prezidenti.
Futbol bo‘yicha 2022 yilgi jahon chempionati guruh bosqichining uch o‘yini yakuniga ko‘ra, Germaniya terma jamoasi kvartetda uchinchi o‘rinni egalladi. Yaponiya va Ispaniya pley-off bosqichiga chiqishdi.
