Milanning «Inter» klubi himoyachisi Stefan de Vrey bilan yangi shartnoma borasida muzokaralarni davom ettirmoqda.

Oldinroq «neradzurrilar» gollandiyalik futbolchiga yiliga uch million yevro bo‘lgan ikki yillik shartnoma taklif qilishga tayyor ekani ma’lum bo‘lgandi.

Biroq, FCInterNews.it ma’lumotlariga ko‘ra, de Vrey bu shartlarga rozi bo‘lmagan va qarshi talablar qo‘ygan.

Himoyachi yangi shartnoma + bonuslar bo‘yicha yiliga taxminan 4,2 million yevro ishlab olmoqchi.

Tomonlar o‘rtasida muzokaralar davom etmoqda. De Vrey ayni damda Gollandiya terma jamoasi safida Qatarda bo‘lib o‘tayotgan jahon chempionatida to‘p tepmoqda.