Миланнинг «Интер» клуби ҳимоячиси Стефан де Врей билан янги шартнома борасида музокараларни давом эттирмоқда.
Олдинроқ «нерадзуррилар» голландиялик футболчига йилига уч миллион евро бўлган икки йиллик шартнома таклиф қилишга тайёр экани маълум бўлганди.
Бироқ, FCInterNews.it маълумотларига кўра, де Врей бу шартларга рози бўлмаган ва қарши талаблар қўйган.
Ҳимоячи янги шартнома + бонуслар бўйича йилига тахминан 4,2 миллион евро ишлаб олмоқчи.
Томонлар ўртасида музокаралар давом этмоқда. Де Врей айни дамда Голландия терма жамоаси сафида Қатарда бўлиб ўтаётган жаҳон чемпионатида тўп тепмоқда.
