Yaponiyalik muxlislar jahon chempionatida Ispaniyaga qarshi (2:1) o‘yindan so‘ng, stadiondagi o‘z axlatlarini yig‘ish uchun qolishdi.

Manbaga ko‘ra, Osiyo terma jamoasi muxlislari muxlislarning asosiy qismi arenani tark etguncha kutishgan, shundan so‘ng ular ortidan tozalash ishlari boshlangan.

Qayd etilishicha, meksikaliklar, braziliyaliklar, argentinaliklar va boshqa muxlislar yaponlarga tozalashda yordam berishgan.

Qizig‘i, Yaponiya termasi muxlislari Germaniya (2:1) va Kosta-Rika (0:1) bilan o‘yinlardan so‘ng ham shunday ish qilishgandi.