Madrid prokuraturasi "Atletiko" muxlislarining Vinisius Juniorga qarshi irqchilikka asoslangan hayqiriqlari bo‘yicha qarorni e’lon qildi. Muxlislar jazolanmadi.
Prokuratura o‘z qarorini baqiriq “bir necha soniya” davom etgani va “maksimal raqobat” kontekstida sodir bo‘lgani bilan izohladi, deb yozadi Marca nashri.
Eslatib o‘tamiz, Ispaniya chempionatining 6-turidan o‘rin olgan "Real" "Atletiko"ga (2:1) qarshi o‘yin oldidan "matraschilar" muxlislari "Real" hujumchisi Vinisiusga nisbatan irqchi so‘zlar aytishgandi. O‘yinchilarning kirish joyi yaqinida bo‘lgan 500 ga yaqin "Atletiko" muxlislari: "Sen maymunsan, Vinisius, sen maymunsan" deb qo‘shiq kuylashdi. Keyinroq 22 yoshli braziliyalik futbolchi uni haqorat qilgan muxlislarni bir umrga stadionlardan chetlashtirish kerakligini aytdi.
