Мадрид прокуратураси "Атлетико" мухлисларининг Винисиус Жуниорга қарши ирқчиликка асосланган ҳайқириқлари бўйича қарорни эълон қилди. Мухлислар жазоланмади.
Прокуратура ўз қарорини бақириқ “бир неча сония” давом этгани ва “максимал рақобат” контекстида содир бўлгани билан изоҳлади, деб ёзади Marca нашри.
Эслатиб ўтамиз, Испания чемпионатининг 6-туридан ўрин олган "Реал" "Атлетико"га (2:1) қарши ўйин олдидан "матрасчилар" мухлислари "Реал" ҳужумчиси Винисиусга нисбатан ирқчи сўзлар айтишганди. Ўйинчиларнинг кириш жойи яқинида бўлган 500 га яқин "Атлетико" мухлислари: "Сен маймунсан, Винисиус, сен маймунсан" деб қўшиқ куйлашди. Кейинроқ 22 ёшли бразилиялик футболчи уни ҳақорат қилган мухлисларни бир умрга стадионлардан четлаштириш кераклигини айтди.
