Niderlandiya terma jamoasi himoyachisi Matteys de Ligt Qatarda bo‘lib o‘tayotgan jahon chempionatida asosiy tarkibda tez-tez harakat qilmayotganidan xafa bo‘lganligi haqida gapirdi. Turnirda futbolchi faqat Senegal bilan guruh bosqichi 1-tur uchrashuvida (2:0) maydonda 90 daqiqa o‘tkazdi. AQSH bilan 1/8 final o‘yinida de Ligt bahs oxirida zaxiradan maydonga tushdi va atigi bir daqiqa maydonda o‘tkazdi.
“Rostini aytsam, bu unchalik asabiylashtirmaydi. Har bir futbolchi o‘ynashni xohlaydi, lekin biz 26 nafar futbolchidan iborat jamoamiz. To‘g‘risini aytsam, kutganimdan ham ko‘proq o‘ynadim. Maydonda bir daqiqa ham o‘tkazmayman deb o‘ylagandim. Men yaxshiman. Biz birgalikda g‘alaba qozonib, chorak finalga chiqdik.
Menda sog‘liq bilan muammo yo‘q. Balki murabbiy meni tarkibda ko‘rmagandir, bu fikrga qo‘shilaman. Men buni kutgandim. Menda hammasi yaxshi. Jamoadagi rolimni bilaman va uning muhim qismiga aylanish uchun har kuni qattiq mashq qilaman”, - deydi de Ligt The Athletic nashriga.
