Нидерландия терма жамоаси ҳимоячиси Маттейс де Лигт Қатарда бўлиб ўтаётган жаҳон чемпионатида асосий таркибда тез-тез ҳаракат қилмаётганидан хафа бўлганлиги ҳақида гапирди. Турнирда футболчи фақат Сенегал билан гуруҳ босқичи 1-тур учрашувида (2:0) майдонда 90 дақиқа ўтказди. АҚШ билан 1/8 финал ўйинида де Лигт баҳс охирида захирадан майдонга тушди ва атиги бир дақиқа майдонда ўтказди.
“Ростини айтсам, бу унчалик асабийлаштирмайди. Ҳар бир футболчи ўйнашни хоҳлайди, лекин биз 26 нафар футболчидан иборат жамоамиз. Тўғрисини айтсам, кутганимдан ҳам кўпроқ ўйнадим. Майдонда бир дақиқа ҳам ўтказмайман деб ўйлагандим. Мен яхшиман. Биз биргаликда ғалаба қозониб, чорак финалга чиқдик.
Менда соғлиқ билан муаммо йўқ. Балки мураббий мени таркибда кўрмагандир, бу фикрга қўшиламан. Мен буни кутгандим. Менда ҳаммаси яхши. Жамоадаги ролимни биламан ва унинг муҳим қисмига айланиш учун ҳар куни қаттиқ машқ қиламан”, - дейди де Лигт The Athletic нашрига.
