Ispaniya terma jamoasi yarim himoyachisi Rodri JCHning 1/8 finalida Marokash bilan bo‘lajak o‘yin haqida umidlari bilan o‘rtoqlashdi.
Shuningdek, U Yaponiya terma jamoasi bilan kechgan o‘yin haqida ham fikr bildirdi.
«Yaponiyadan kelgan nokaut bizga juda yoqimsiz his-tuyg‘ularni berdi, ammo endi biz keyingi o‘yinga to‘liq tayyormiz.
O‘sha o‘yin nazoratdan chiqib ketdi, biz 10 daqiqa davomida vahima ichida edik, buni inkor etmayman. O‘ylaymanki, bu bizga ogohlik qo‘ng‘irog‘i bo‘ladi va kerakli energiyani qaytardi. Yaponiya bilan bahsdan keyin kiyinish xonasida keskin muhit hukm surdi, biroq biz uni yengib chiqdik.
Marokash prinsipial jihatdan eng yomon raqiblardan biridir. Biz muvaffaqiyatsizlikdan qo‘rqmaymiz, biz ambisiyalimiz va oldinga intilmoqchimiz», — deydi Rodri.
