Braziliya terma jamoasi hujumchisi Neymar JCH-2022 doirasidagi Janubiy Koreyaga (4:1) qarshi o‘yin natijasini sarhisob qildi.
“Jarohatimdan juda qo‘rqardim, chunki hammasi yaxshi ketayotgandi, mavsumni juda yaxshi o‘tkazdim. Bunday jarohat olish juda yoqimsiz edi. Keyin tun bo‘yi yig‘ladim, bu haqda mening oilam biladi. Lekin hammasi yaxshi bo‘ldi.
Oldingi chempionatlarga qaraganda uzoqroqqa borish vaqti keldi. Biz kubokni orzu qilamiz, lekin uni olish uchun bosqichma-bosqich rivojlanishimiz kerak.
Bu to‘rtinchi o‘yinimiz edi, yana uchtasi qoldi. Biz yaxshi tayyorgarlik ko‘rdik va bor e’tiborimizni chempionlikka qaratganmiz”, – dedi “PSJ” futbolchisi.
Braziliya 1/4 finalda Xorvatiya bilan o‘ynaydi. O‘yin 9 dekabr kuni bo‘lib o‘tadi.
