Бразилия терма жамоаси ҳужумчиси Неймар ЖЧ-2022 доирасидаги Жанубий Кореяга (4:1) қарши ўйин натижасини сарҳисоб қилди.
“Жароҳатимдан жуда қўрқардим, чунки ҳаммаси яхши кетаётганди, мавсумни жуда яхши ўтказдим. Бундай жароҳат олиш жуда ёқимсиз эди. Кейин тун бўйи йиғладим, бу ҳақда менинг оилам билади. Лекин ҳаммаси яхши бўлди.
Олдинги чемпионатларга қараганда узоқроққа бориш вақти келди. Биз кубокни орзу қиламиз, лекин уни олиш учун босқичма-босқич ривожланишимиз керак.
Бу тўртинчи ўйинимиз эди, яна учтаси қолди. Биз яхши тайёргарлик кўрдик ва бор эътиборимизни чемпионликка қаратганмиз”, – деди “ПСЖ” футболчиси.
Бразилия 1/4 финалда Хорватия билан ўйнайди. Ўйин 9 декабрь куни бўлиб ўтади.
