Portugaliya terma jamoasi futbolchisi Bruno Fernandesh JCH-2022 1/8 final bosqichi doirasidagi Shveysariya bilan o‘yinni (6:1) zaxirada boshlagan jamoa sardori Krishtianu Ronaldu haqida gapirdi.
«Menimcha, u zaxirada o‘tirishni yoqtirmaydi. Agar keyingi o‘yinda murabbiy meni zaxira o‘rindig‘iga o‘tqazsa, jahlim chiqadi.
Krishtianu kiyinish xonasida o‘zini haqiqiy lider sifatida ko‘rsatadi. Albatta, ba’zida u baxtsiz ko‘rinishi mumkin, chunki hamma ham o‘ynashni xohlaydi.
Ronaldu dunyodagi eng mashhur futbolchi. Krishtianudan mashhurroq odam yo‘q - sportda. Nafaqat futbolda, umuman sportda.
Odamlar uni ko‘rgani kelishi normal holat. Krishtianu bu Krishtianu», — deydi Bruno.
