Португалия терма жамоаси футболчиси Бруно Фернандеш ЖЧ-2022 1/8 финал босқичи доирасидаги Швейцария билан ўйинни (6:1) захирада бошлаган жамоа сардори Криштиану Роналду ҳақида гапирди.

«Менимча, у захирада ўтиришни ёқтирмайди. Агар кейинги ўйинда мураббий мени захира ўриндиғига ўтқазса, жаҳлим чиқади.

Криштиану кийиниш хонасида ўзини ҳақиқий лидер сифатида кўрсатади. Албатта, баъзида у бахтсиз кўриниши мумкин, чунки ҳамма ҳам ўйнашни хоҳлайди.

Роналду дунёдаги энг машҳур футболчи. Криштианудан машҳурроқ одам йўқ - спортда. Нафақат футболда, умуман спортда.

Одамлар уни кўргани келиши нормал ҳолат. Криштиану бу Криштиану», — дейди Бруно.