Myunxenning "Bavariya" klubi hujumchisi Leroy Sane qishda jamoani tark etishi mumkin. Bu haqda jurnalist-insayder Fabrisio Romano xabar bermoqda.
Manbaga ko‘ra, "Bavariya" rahbariyati 26 yoshli futbolchiga kattaroq taklif tushsa, uni sotib yubormoqchi. Hozirda Sanega "Arsenal" va boshqa klublar qiziqish bildirmoqda.
Transfermarkt portalida nemis vingeri 70 million yevroga baholangan. Uning "Bavariya" bilan amaldagi shartnomasi 2025 yilda yakunlanadi.
Sane joriy mavsum barcha turnirlarda 26 ta o‘yin o‘tkazib, 10 ta gol urdi va 7 ta assist qayd etdi.