Мюнхеннинг "Бавария" клуби ҳужумчиси Лерой Сане қишда жамоани тарк этиши мумкин. Бу ҳақда журналист-инсайдер Фабрицио Романо хабар бермоқда.
Манбага кўра, "Бавария" раҳбарияти 26 ёшли футболчига каттароқ таклиф тушса, уни сотиб юбормоқчи. Ҳозирда Санега "Арсенал" ва бошқа клублар қизиқиш билдирмоқда.
Transfermarkt порталида немис вингери 70 миллион еврога баҳоланган. Унинг "Бавария" билан амалдаги шартномаси 2025 йилда якунланади.
Сане жорий мавсум барча турнирларда 26 та ўйин ўтказиб, 10 та гол урди ва 7 та ассист қайд этди.