Niderlandiya terma jamoasi markaziy himoyachisi Virjil van Deyk Qatarda bo‘lib o‘tayotgan jahon chempionatida jamoaning mumkin bo‘lgan g‘alabasidan umidlari bilan o‘rtoqlashdi, shuningdek, Argentina bilan chorak finalda yuzaga kelishi mumkin bo‘lgan penaltilar seriyasi haqida gapirdi.

"Chanqoqlik, orzular va biz haqiqatan ham Jahon kubogini qo‘lga kiritishimiz mumkin degan tuyg‘u bor. Chorak finalga chiqsangiz, chempionlikdan bor-yo‘g‘i uchta o‘yin uzoqda bo‘lasiz. Bu bizning imkoniyatimiz. Ammo biz Argentina terma jamoasini barcha davrlarning eng yaxshi futbolchilaridan biri bilan o‘yin o‘tkazishimiz kerak.

Penaltilar seriyasi bo‘lishi mumkinmi? Biz jamoamizning so‘nggi yig‘inidan beri mashg‘ulot o‘tkazyapmiz, ammo bu to‘liq 80 000 kishiga mo‘ljallangan stadionda o‘ynagan va yarim final xavf ostida bo‘lgan o‘yinda hammasi avvalgidek bo‘lishini kafolatlamaydi. Bunga tayyor bo‘lish uchun imkon qadar ko‘proq harakat qilamiz. Ammo umid qilamanki, biz penaltilar seriyasigacha yetib bormaslikka harakat qilamiz”, - dedi van Deyk The Athletic bilan suhbatda.

2014 yilgi Jahon chempionatida Niderlandiya va Argentina terma jamoalari musobaqaning yarim finalida to‘qnash kelishgan va Lotin Amerikasi jamoasi penaltilar seriyasida g‘alaba qozongandi - 4:2. Qatarda bo‘lib o‘tadigan jahon chempionati 1/4 o‘yini 10 dekabr, shanba kuni Toshkent vaqti bilan soat 00:00da boshlanadi.