Нидерландия терма жамоаси марказий ҳимоячиси Виржил ван Дейк Қатарда бўлиб ўтаётган жаҳон чемпионатида жамоанинг мумкин бўлган ғалабасидан умидлари билан ўртоқлашди, шунингдек, Аргентина билан чорак финалда юзага келиши мумкин бўлган пенальтилар серияси ҳақида гапирди.

"Чанқоқлик, орзулар ва биз ҳақиқатан ҳам Жаҳон кубогини қўлга киритишимиз мумкин деган туйғу бор. Чорак финалга чиқсангиз, чемпионликдан бор-йўғи учта ўйин узоқда бўласиз. Бу бизнинг имкониятимиз. Аммо биз Аргентина терма жамоасини барча даврларнинг энг яхши футболчиларидан бири билан ўйин ўтказишимиз керак.

Пенальтилар серияси бўлиши мумкинми? Биз жамоамизнинг сўнгги йиғинидан бери машғулот ўтказяпмиз, аммо бу тўлиқ 80 000 кишига мўлжалланган стадионда ўйнаган ва ярим финал хавф остида бўлган ўйинда ҳаммаси аввалгидек бўлишини кафолатламайди. Бунга тайёр бўлиш учун имкон қадар кўпроқ ҳаракат қиламиз. Аммо умид қиламанки, биз пенальтилар сериясигача етиб бормасликка ҳаракат қиламиз”, - деди ван Дейк The Athletic билан суҳбатда.

2014 йилги Жаҳон чемпионатида Нидерландия ва Аргентина терма жамоалари мусобақанинг ярим финалида тўқнаш келишган ва Лотин Америкаси жамоаси пенальтилар сериясида ғалаба қозонганди - 4:2. Қатарда бўлиб ўтадиган жаҳон чемпионати 1/4 ўйини 10 декабрь, шанба куни Тошкент вақти билан соат 00:00да бошланади.