Fransiya terma jamoasi himoyachisi Dayot Upamekano jamoaning Qatarda bo‘lib o‘tayotgan jahon chempionati chorak finalida Angliyaga qarshi o‘yinga tayyorgarligi haqida gapirdi.
«Keyn, Foden yoki Bellingemga qarshi reja tayyorlaymizmi? Birinchi navbatda Angliyaga qarshi umumiy reja tuzamiz.
Ularning o‘yinlari videosini hali tomosha qilganimiz yo‘q, lekin u yerda jahon darajasidagi futbolchilar o‘ynashini tushunamiz.
Lyoris bizga Xarri Keyn bo‘yicha hozircha hech qanday ko‘rsatma bergani yo‘q, lekin biz u bilan albatta gaplashamiz», — deydi Upamekano.
