Portugaliya terma jamoasi hujumchisi Krishtianu Ronaldu terma jamoasi kuchli va birdamligicha qolayotganini ta’kidladi.
Avvalroq Ronaldu terma jamoa bosh murabbiyi Fernandu Santushning qarorlaridan norozi bo‘lgani uchun terma jamoani tark etish istagi borligini aytgani haqida xabar berilgandi.
"Jamoamiz tashqaridan sindirib bo‘lmaydigan darajada jipslashgan. Millatimiz har qanday raqibdan qo‘rqmasligi bor haqiqat. Bizda orzu uchun oxirigacha kurashadigan jamoa bor! Biz bilan birga ishoning, olg‘a, Portugaliya”, - deb post qoldirdi Ronaldu ijtimoiy tarmoqlardan birida.
Qatardagi jahon chempionati chorak finalida Portugaliya terma jamoasi 10 dekabr kuni Marokash terma jamoasi bilan bahs olib boradi.
