“Arsenal” himoyachisi Ben Uayt terma jamoa bosh murabbiyi yordamchisi Stiv Xolland bilan mojaro tufayli Qatarda bo‘lib o‘tayotgan jahon chempionati uchun Angliya terma jamoasini tark etdi, deb xabar beradi Daily Mail.

Manbaga ko‘ra, Uayt va Xolland o‘rtasidagi mojaro himoyachining AQSH terma jamoasi bilan guruh bosqichi o‘yini (0:0) oldidan jamoa yig‘iniga kelganidan so‘ng, shaxsiy statistik ma’lumotlari haqidagi muhim ma’lumotlarni bilmagani va raqib o‘yini haqida ma’lumotga ega bo‘lmagani sababli yuzaga kelgan.

Shuningdek, Uayt Al-Vakradagi mashg‘ulot maydonidan norozi bo‘lgani va jamoadoshlari bilan muloqot qilishda muammolarga duch kelgani qayd etilgan.

Avvalroq Angliya terma jamoasi matbuot xizmati 25 yoshli futbolchi shaxsiy sabablarga ko‘ra terma jamoani tark etgani va turnir yakuniga qadar jamoaga qaytmasligi haqida xabar bergan edi.

10 dekabr kuni Angliya terma jamoasi Qatarda bo‘lib o‘tayotgan jahon chempionatining 1/4 finalida Fransiyaga bilan to‘qnash keladi.