“Арсенал” ҳимоячиси Бен Уайт терма жамоа бош мураббийи ёрдамчиси Стив Холланд билан можаро туфайли Қатарда бўлиб ўтаётган жаҳон чемпионати учун Англия терма жамоасини тарк этди, деб хабар беради Daily Mail.

Манбага кўра, Уайт ва Холланд ўртасидаги можаро ҳимоячининг АҚШ терма жамоаси билан гуруҳ босқичи ўйини (0:0) олдидан жамоа йиғинига келганидан сўнг, шахсий статистик маълумотлари ҳақидаги муҳим маълумотларни билмагани ва рақиб ўйини ҳақида маълумотга эга бўлмагани сабабли юзага келган.

Шунингдек, Уайт Ал-Вакрадаги машғулот майдонидан норози бўлгани ва жамоадошлари билан мулоқот қилишда муаммоларга дуч келгани қайд этилган.

Аввалроқ Англия терма жамоаси матбуот хизмати 25 ёшли футболчи шахсий сабабларга кўра терма жамоани тарк этгани ва турнир якунига қадар жамоага қайтмаслиги ҳақида хабар берган эди.

10 декабрь куни Англия терма жамоаси Қатарда бўлиб ўтаётган жаҳон чемпионатининг 1/4 финалида Францияга билан тўқнаш келади.