Payshanba kuni Luis Enrike Ispaniya terma jamoasi bosh murabbiyi lavozimini tark etayotgani ma’lum bo‘ldi. Cadena CER xabariga ko‘ra, Enrike jamoada qolishni xohlagan va Ispaniya Qirollik futbol federasiyasi bilan yangi shartnoma imzolashga umid qilgan. Biroq tashkilot murabbiyni ketishi haqida xabardor qilgan.

Qayd etilishicha, federasiya Luis Enrikega ajralish haqida qo‘shma bayonot berishni taklif qilgan, biroq mutaxassis rad javobini bergan.

Eslatib o‘tamiz, Ispaniya terma jamoasi JCH-2022dan 1/8 final natijalariga ko‘ra, Marokashga penaltilar seriyasida yutqazib qo‘ygandi.