«Liverpul» yarim himoyachisi Luis Dias safdan chiqqani haqida xabar bergan edik. Jurnalist Pipe Syerraning so‘zlariga ko‘ra, kolumbiyalik futbolchi martgacha jamoasiga yordam bera olmaydi, chunki u bugun tizzasidan operasiya qilinadi.

Avvalroq, Dias «Liverpul»ning mavsumoldi mini o‘yinlari payti jamoa bazasini tark etgandi. Tekshiruv natijalari futbolchining tizzasi jarrohlik amaliyoti o‘tkazilishga muhtoj ekanini ko‘rsatdi.

Eslatib o‘tamiz, Dias shu yilning yanvar oyidan beri «Liverpul»da o‘ynamoqda. O‘shandan beri kolumbiyalik futbolchi jamoasi bilan Liga kubogi va Angliya kubogini qo‘lga kiritdi, shuningdek, barcha musobaqalarda 10 ta gol urdi va 8 ta golli uzatmani amalga oshirdi.