Angliyaning "Manchester Yunayted" klubi PSV hujumchisi Kodi Gakponi o‘z safiga qo‘shib olmoqchi. Bu haqda jurnalist Fabrisio Romano xabar bermoqda.
Qayd etilishicha, "qizil iblislar" rahbariyati allaqachon 23 yoshli futbolchining agentlari bilan muzokaralarga kirishgan. Niderlandiya klubi Gakponi 55 million yevroga qo‘yib yuborishga tayyor.
Qanot hujumchisi joriy mavsum klub va terma jamoasi safida 34 ta o‘yinda 18 ta gol urib, shuncha golli uzatma amalga oshirdi.