"Barselona" rahbariyati qanot vingeri Usmon Dembele bilan shartnomani uzaytirishdan umidvor.
O‘tgan yozda 25 yoshli futbolchi 2024 yilgacha mo‘ljallangan yangi shartnomani imzolagan edi. 2023 yildayoq boshqa klublar Dembeleni arzonlashtirilgan narxda sotib olishlari mumkin bo‘ladi, bu esa “ko‘k-anorranglilar” vakillariga unchalik yoqmaydi.
Jurnalist Fernando Poloning so‘zlariga ko‘ra, “Barselona” fransiyalik futbolchining yangi shartnomasi masalasini tezroq hal qilishni rejalashtirmoqda. Taxminlarga ko‘ra, futbolchining o‘zi ham uzoq yillar klubda qolishga qaror qilgan.
Joriy mavsumda Usmon Dembele kataloniyaliklar safida 20ta o‘yinda maydonga tushib, 5ta gol va 7ta golli uzatmaga mualliflik qilgan.
