"Барселона" раҳбарияти қанот вингери Усмон Дембеле билан шартномани узайтиришдан умидвор.

Ўтган ёзда 25 ёшли футболчи 2024 йилгача мўлжалланган янги шартномани имзолаган эди. 2023 йилдаёқ бошқа клублар Дембелени арзонлаштирилган нархда сотиб олишлари мумкин бўлади, бу эса “кўк-анорранглилар” вакилларига унчалик ёқмайди.

Журналист Фернандо Полонинг сўзларига кўра, “Барселона” франциялик футболчининг янги шартномаси масаласини тезроқ ҳал қилишни режалаштирмоқда. Тахминларга кўра, футболчининг ўзи ҳам узоқ йиллар клубда қолишга қарор қилган.

Жорий мавсумда Усмон Дембеле каталонияликлар сафида 20та ўйинда майдонга тушиб, 5та гол ва 7та голли узатмага муаллифлик қилган.