"Manchester Yunayted" va Angliya terma jamoasi himoyachisi Lyuk Shou faoliyatini La Ligada davom ettirishi mumkin, deya xabar beradi Sport.

Manbaning xabariga ko‘ra, 27 yoshli futbolchiga "Barselona" qiziqish bildirmoqda. Kataloniya klubi kelasi yozda angliyalik futbolchini qo‘lga kiritishga harakat qilishi mumkin.

Shou "Manchester Yunayted"ga 2014 yilning yozida kelib qo‘shilgan edi. "Mankunianliklar" safida himoyachi 218 uchrashuvda 3 ta gol urdi va 24 ta golli uzatmani amalga oshirdi. Lyuk joriy mavsumda barcha turnirlarda 15 ta o‘yinda maydonga tushdi va 2 ta golli uzatmani amalga oshirdi.

Shou 2014 yilning mart oyida Angliya terma jamoasi safida debyut qilgan va shundan so‘ng Angliya termasi libosida 28ta o‘yinda maydonga tushib, 3ta gol urgan va 9ta golli uzatmani amalga oshirgan.