"Манчестер Юнайтед" ва Англия терма жамоаси ҳимоячиси Люк Шоу фаолиятини Ла Лигада давом эттириши мумкин, дея хабар беради Sport.
Манбанинг хабарига кўра, 27 ёшли футболчига "Барселона" қизиқиш билдирмоқда. Каталония клуби келаси ёзда англиялик футболчини қўлга киритишга ҳаракат қилиши мумкин.
Шоу "Манчестер Юнайтед"га 2014 йилнинг ёзида келиб қўшилган эди. "Манкунианликлар" сафида ҳимоячи 218 учрашувда 3 та гол урди ва 24 та голли узатмани амалга оширди. Люк жорий мавсумда барча турнирларда 15 та ўйинда майдонга тушди ва 2 та голли узатмани амалга оширди.
Шоу 2014 йилнинг март ойида Англия терма жамоаси сафида дебют қилган ва шундан сўнг Англия термаси либосида 28та ўйинда майдонга тушиб, 3та гол урган ва 9та голли узатмани амалга оширган.
