Krishtianu Ronaldu dunyoning eng yaxshi futbolchilaridan biri. Ba’zilar undan yaxshisi yo‘q deb hisoblashadi. Besh bor «Oltin to‘p» sovriniga ega chiqqan qahramonimiz 2021 yilning yozida «Manchester Yunayted»ga qaytgandi. Ayni damda u erkin agentga aylandi. U o‘ynagan «MYU» va Portugaliya terma jamoalarining ishi unchalik ham yaxshi emas. Shunday bir paytda Ronalduning yaqin o‘tmishdagi maoshlariga bir e’tibor berib ko‘rmoqchimiz.
Ronaldu bir yilda qancha topadi?
2020 yilning yanvar oyiga ko‘ra, Ronaldu 367 million funt ishlab topgan. Bu orqali uning butun karyerasidagi maosh hajmi 1 milliard dollardan o‘tib ketgandi. Albatta, hujumchi u paytlar «Yuventus»da bo‘lgan.
Keyingi, 2021 yilda «Forbes» ma’lumotlariga ko‘ra, Krishtianu 88 million funt ishlab topgan. Superyulduzning «Nike» kompaniyasi bilan bir umrlik imzolagan shartnomasining qiymati 1 milliard dollar yoki 773 million funtga tengdir. Ronaldu nomi marketingda juda ham asqotadi. Shu sababli u turli xil kompaniyalar bilan hamkorlik qilish orqali ham pul ishlaydi. Bu borada Ronaldu Messi va Neymardan ustun turadi. Masalan, 37 yoshli futbolchi o‘tgan yili «Rolex GTX»ning 370 ming funtlik soatini taqib chiqqandi.
Ronalduda, shuningdek, umumiy qiymati 17 million funtga teng bo‘lgan avtomashinalar kolleksiyasi bor.
Ronaldu «MYU»da qancha ishlab topgan?
Ronaldu o‘zining sobiq klubida haftasiga 510 ming funt maosh olardi. 37 yosh bo‘lishiga qaramay, uning darajasi hali ham yaxshi. Shu sababli, unga Messidan ko‘ra yaxshiroq maosh to‘langan. Ronaldu sayyoramizda eng ko‘p pul ishlab topgan 4-odamga aylandi. Bu borada u faqat Kayl Jenner, Kayn Vest va Rojer Federerdan ortda qolgan xolos.
Ronaldu tijoriy hamkorliklar orqali qancha ishlab topadi?
Qahramonimiz dunyoning eng mashhur va ommabop brendlari bo‘lgan «Tag Heuer», «Clear Haircare», «Nike» va «Herbalife» bilan yirik loyihalarda ishtirok etgan. Ma’lumotlarga ko‘ra, Ronaldu daromadining taxminan 40 foizi aynan mana sohadan kelib tushadi. Ularning ichida «Nike» beradigan, har yillik 20 million funt ham bor.
Hozirda, Ronaldu erkin agent. Agarda uning keyingi manzili «An-Nasr» bo‘ladigan bo‘lsa, u dunyodagu eng katta maoshga ega futbolchiga aylanadi.
ISMATOV J.
