Jeymi Karragerning fikricha, "Liverpul" bu yozda katta mablag‘ sarflashi kerak.

"Shubhasiz, "Liverpul" yozda katta pul sarflashiga to‘g‘ri keladi. "Manchester Yunayted" va "Chelsi"ni qarangki, yozda ikkala klub ham 250 million funtdan ko‘proq mablag‘ sarfladi va ular hali ham kuchli to‘rtlik uchun kurashamiz, deyishadi, chempionlik uchun kurash haqida gap yo‘q.

Bu Premyer-liga qanchalik qiyin va raqobatbardosh ekanligini ko‘rsatadi. O‘ylaymanki, Yurgen Kloppga "Liverpul"ni chempionlik uchun kurashda qaytarish uchun ham xuddi shunday mablag‘ kerak bo‘ladi.

Bu mavsumda biz kuchli to‘rtlik uchun kurashadiganga o‘xshaymiz, ammo "Liverpul" va Yurgen Klopp buni xohlamaydi. Ular chempionlik va Chempionlar ligasi uchun kurashmoqchi. "Liverpul"ni yangilash va uni yo‘lga qo‘yish uchun shunga o‘xshash pul kerak bo‘ladi", - dedi mersisaydliklarning sobiq himoyachisi.

"Liverpul" 14 turdan keyin 22 ochko bilan APL turnir jadvalida oltinchi o‘rinda bormoqda.