"Manchester Siti" hujumchisi Erling Xolandning otasi norvegiyalik futbolchi uch mavsumdan so‘ng Angliya Premyer-ligasini tark etib, boshqa ligaga o‘tishi mumkinligini aytdi.

"U "Manchester Siti"da 15 yil qolishi mumkin, chunki Erling bu yerda o‘zini ajoyib his qilmoqda, Manchester esa katta klub. Ammo menda u dunyoning barcha eng yaxshi ligalarida g‘alaba qozonishga qodir ekanligini ko‘rsatmoqchi degan taassurot qoldirdi.

U Germaniyada 2,5 yil o‘ynadi. Ehtimol, kelajakda ham xuddi shunday bo‘ladi. Premyer-ligada uch yil qoladi va keyin Italiya, Ispaniya yoki Fransiyaga ketishi mumkin. Hozircha hech narsa hal qilinmagan, ammo bu bo‘lishi mumkin. Erling har qanday jamoada g‘alaba qozonishi mumkin", - dedi futbolchining otasi France Football bilan suhbatda.

22 yoshli Xoland 2022 yilning yozida Dortmundning "Borussiya" klubidan "Manchester Siti"ga o‘tgandi. Ingliz klubi safida norvegiyalik hujumchi barcha turnirlarda 18 ta o‘yin o‘tkazib, 23 marta raqiblar darvozasiga gol kiritdi va 3 marta sheriklariga assistentlik qildi.