"Манчестер Сити" ҳужумчиси Эрлинг Холанднинг отаси норвегиялик футболчи уч мавсумдан сўнг Англия Премьер-лигасини тарк этиб, бошқа лигага ўтиши мумкинлигини айтди.
"У "Манчестер Сити"да 15 йил қолиши мумкин, чунки Эрлинг бу ерда ўзини ажойиб ҳис қилмоқда, Манчестер эса катта клуб. Аммо менда у дунёнинг барча энг яхши лигаларида ғалаба қозонишга қодир эканлигини кўрсатмоқчи деган таассурот қолдирди.
У Германияда 2,5 йил ўйнади. Эҳтимол, келажакда ҳам худди шундай бўлади. Премьер-лигада уч йил қолади ва кейин Италия, Испания ёки Францияга кетиши мумкин. Ҳозирча ҳеч нарса ҳал қилинмаган, аммо бу бўлиши мумкин. Эрлинг ҳар қандай жамоада ғалаба қозониши мумкин", - деди футболчининг отаси France Football билан суҳбатда.
22 ёшли Холанд 2022 йилнинг ёзида Дортмунднинг "Боруссия" клубидан "Манчестер Сити"га ўтганди. Инглиз клуби сафида норвегиялик ҳужумчи барча турнирларда 18 та ўйин ўтказиб, 23 марта рақиблар дарвозасига гол киритди ва 3 марта шерикларига ассистентлик қилди.
