Joau Feliks katta ehtimol bilan yaqin kelajakda klubini o‘zgartiradi. Bir necha yil avval "Atletiko" iqtidorli portugaliyalik futbolchi uchun 125 million yevrodan ko‘proq pul to‘lagan, biroq futbolchi ishonchlarni oqlay olmadi.
Matbuotda yaqinda "Aston Villa"ni qabul qilib olgan taniqli murabbiy Unai Emeri Feliks bilan shartnoma imzolashga umid qilayotgani haqida ma’lumotlar paydo bo‘ldi. Biroq portugallik futbolchi Birmingemga bormaydi.
Marca nashri xabariga ko‘ra, Joauga bu variant yoqmadi, chunki u nufuzliroq klubda o‘ynashni xohlaydi.
Oldinroq "Atletiko" 23 yoshli Joau Feliksning transferi uchun 100 million yevrodan mablag‘ talab qilmoqchi ekanligi xabar qilingandi.
