"Milan" sardori Davide Kalabriya o‘z yo‘liga qaytishga va Italiya A Seriyasi chempionligi uchun kurashda o‘z jamoasiga yordam berishga tayyor ekanligini bildirdi. Shuningdek, u "Napoli"ning joriy mavsumdagi kuchidan juda hayratda qolganini tan oldi.

"Chempionatni bunday boshlashimizni kutmagandim va peshqadamdan bunchalik ortda qolamiz deb o‘ylamagandim. Ammo "Napoli" chempionatni aql bovar qilmaydigan darajada o‘tkazmoqda. Yanvar oyida ular raqobatchilar bilan ko‘plab to‘g‘ridan-to‘g‘ri o‘yinlarni o‘tkazishadi va bu juda muhim daqiqa bo‘ladi. Maqsadimiz o‘zgarishsiz - biz g‘alaba qozonishni xohlaymiz. Lekin chempion bo‘lishdan ko‘ra, amaldagi chempionlikni himoya qilish har doim qiyin" - dedi Kalabriya pianetamilan.it bilan suhbatda.