"Милан" сардори Давиде Калабрия ўз йўлига қайтишга ва Италия А Серияси чемпионлиги учун курашда ўз жамоасига ёрдам беришга тайёр эканлигини билдирди. Шунингдек, у "Наполи"нинг жорий мавсумдаги кучидан жуда ҳайратда қолганини тан олди.

"Чемпионатни бундай бошлашимизни кутмагандим ва пешқадамдан бунчалик ортда қоламиз деб ўйламагандим. Аммо "Наполи" чемпионатни ақл бовар қилмайдиган даражада ўтказмоқда. Январь ойида улар рақобатчилар билан кўплаб тўғридан-тўғри ўйинларни ўтказишади ва бу жуда муҳим дақиқа бўлади. Мақсадимиз ўзгаришсиз - биз ғалаба қозонишни хоҳлаймиз. Лекин чемпион бўлишдан кўра, амалдаги чемпионликни ҳимоя қилиш ҳар доим қийин" - деди Калабрия pianetamilan.it билан суҳбатда.