Xorvatiya terma jamoasi yarim himoyachisi Luka Modrich JCH yarim finalida Argentinaga (0:3) qarshi o‘yindagi hakamlikdan norozi.

Xorvatiyaliklar birinchi golni 34-daqiqada Leo Messi tomonidan penaltidan kiritilgan gol evaziga o‘tkazib yubordi. Alvares esa keyinroq ikkita gol urdi.

"Juda achinarlisi, biz finalda o‘ynashga umid qilgandik, ammo endi o‘zimizga kelib, uchinchi o‘rin uchun o‘yinda g‘alaba qozonish maqsadida hamma narsani qilishimiz kerak. Argentina terma jamoasini tabriklayman.

Bizning darvozamizga belgilangan penalti - bugungi o‘yinda burilish nuqtasi bo‘ldi. Avvaliga hakamlar bizning foydamizga burchak to‘pini berishmadi, keyin esa noto‘g‘ri penalti belgilashdi. Chunki, o‘sha vaziyatda Alvares Livakovichga urilgandi. Afsuski, o‘yin yakunlandi, biz endi hech narsani o‘zgartira olmaymiz", – dedi Modrich.