Fransiya terma jamoasi himoyachisi Teo Ernandes jarohati tufayli avvalroq Didye Desham jamoasini tark etgan akasi Lyuka uchun jahon chempionatida g‘olib chiqishni istayotganini aytdi.
“Men nafaqat o‘zim uchun, balki Luka uchun ham o‘ynayman. Murabbiy meni jahon chempionatiga chorlaganida akam bilan bir-birimizdan faxrlanardik. Unga juda qiyin, chunki jarohat uni uzoq muddatga safdan chiqarib yubordi. Men akam uchun jahon chempionatida g‘alaba qozonishni xohlayman", dedi Teo L’Equipe nashriga bergan intervyusida.
Eslatib o‘tamiz, Teo Ernandes mundialdagi to‘rtta o‘yinda ikkita golga assistentlik qilgan. Bugun Fransiya yarim finalda Marokash bilan bahs olib boradi.
