Fransiya terma jamoasi darvozaboni Ugo Lyoris JCH-2022 yarim finalida Marokashga qarshi o‘yinni (2:0) sarhisob qildi.

“Biz ayni damda holdan toyganmiz, lekin bajarilgan ishlardan mamnunmiz. Biz o‘zimizga Fransiya terma jamoasini futbol tarixiga yozish uchun oltin imkoniyat berdik. Bu bizning to‘rt yil ichida ikkinchi finalimiz. Biz kuchli edik, o‘yin davomida kerak bo‘lganda chidadik, hammasi bir tekisda o‘tmadi.

Yakshanba kuni qo‘limizdan kelganini ko‘rsatishimiz kerak. Bu ajoyib final bo‘ladi. Argentina futbol tarixida iz qoldirgan futbolchiga ega ajoyib jamoa. Ammo bizning o‘z dalillarimiz bor", - deya Lyoris so‘zlarini keltiradi RMC Sport.

Fransiya va Argentina terma jamoalari o‘rtasidagi JCH-2022 final uchrashuvi 18 dekabr kuni Lusail stadionida bo‘lib o‘tadi. Boshlanishi 20.00 (Toshkent vaqti bilan).