Франция терма жамоаси дарвозабони Уго Льорис ЖЧ-2022 ярим финалида Марокашга қарши ўйинни (2:0) сарҳисоб қилди.
“Биз айни дамда ҳолдан тойганмиз, лекин бажарилган ишлардан мамнунмиз. Биз ўзимизга Франция терма жамоасини футбол тарихига ёзиш учун олтин имконият бердик. Бу бизнинг тўрт йил ичида иккинчи финалимиз. Биз кучли эдик, ўйин давомида керак бўлганда чидадик, ҳаммаси бир текисда ўтмади.
Якшанба куни қўлимиздан келганини кўрсатишимиз керак. Бу ажойиб финал бўлади. Аргентина футбол тарихида из қолдирган футболчига эга ажойиб жамоа. Аммо бизнинг ўз далилларимиз бор", - дея Льорис сўзларини келтиради RMC Sport.
Франция ва Аргентина терма жамоалари ўртасидаги ЖЧ-2022 финал учрашуви 18 декабрь куни Лусаил стадионида бўлиб ўтади. Бошланиши 20.00 (Тошкент вақти билан).
