"Roma" bosh murabbiyi Joze Mourinyo bu mavsumda Portugaliya terma jamoasini boshqarmaydi va avvalroq xabar qilinganidek, ikkita ishni birlashtirmaydi.
Retesportning Record nashriga tayanib xabar berishicha, klub va mutaxassisning o‘zi bunday fikrga qarshi. Biroq uning terma jamoadagi lavozimiga tayinlanishi ham istisno emas – agar mahalliy federasiya rimliklar bilan muzokara olib borishga muvaffaq bo‘lsa, yozda u A Seriyani tark etadi.
Mourinyoga JCH-2026gacha shartnoma taklif qilinadi. Muzokaralar ijobiy yakunlangan taqdirda, yoshlar terma jamoasi murabbiyi Ruy Jorje bahorda vaqtincha Portugaliya bilan ishlashi mumkin.
Biroq mamlakat futbol rasmiylarining ayrim vakillari yangi to‘laqonli murabbiy Yevro-2024 saralash bosqichi boshlanishiga qadar ishga kirishishini ta’kidlamoqda.
