"Рома" бош мураббийи Жозе Моуриньо бу мавсумда Португалия терма жамоасини бошқармайди ва аввалроқ хабар қилинганидек, иккита ишни бирлаштирмайди.
Retesportнинг Record нашрига таяниб хабар беришича, клуб ва мутахассиснинг ўзи бундай фикрга қарши. Бироқ унинг терма жамоадаги лавозимига тайинланиши ҳам истисно эмас – агар маҳаллий федерация римликлар билан музокара олиб боришга муваффақ бўлса, ёзда у А Серияни тарк этади.
Моуриньога ЖЧ-2026гача шартнома таклиф қилинади. Музокаралар ижобий якунланган тақдирда, ёшлар терма жамоаси мураббийи Руй Жорже баҳорда вақтинча Португалия билан ишлаши мумкин.
Бироқ мамлакат футбол расмийларининг айрим вакиллари янги тўлақонли мураббий Евро-2024 саралаш босқичи бошланишига қадар ишга киришишини таъкидламоқда.
