"Milan" yarim himoyachisi Tyemue Bakayokoning agenti Marko Busyello mijozining Stefano Pioli jamoasidagi o‘rni haqida gapirdi. Eslatib o‘tamiz, fransiyalik futbolchi Londonning "Chelsi" klubidan ijara asosida Italiya chempioni safida o‘ynamoqda.
"Mening mijozim juda achinarli ahvolda. Tyemue "Milan"ga o‘tishni xohladi, lekin hammasi u xohlagandek bo‘lmadi. So‘nggi yillarda u bir qancha klublarda ijara asosida o‘ynadi. Har yili Bakayoko yangi joyga moslashishga majbur bo‘ldi. Kelajakda nima qilish mumkinligini ko‘ramiz", - dedi futbolchining agenti Tuttomercato bilan suhbatda.
Agar Bakayoko joriy mavsumda "Milan" safida ma’lum o‘yinlarda qatnashsa, jamoa uni doimiy ravishda sotib olishga majbur bo‘ladi. Shu bois yarim himoyachi maydonga tushmay, zaxirada o‘tiribdi.
