"Милан" ярим ҳимоячиси Тьемуэ Бакайоконинг агенти Марко Бусьелло мижозининг Стефано Пиоли жамоасидаги ўрни ҳақида гапирди. Эслатиб ўтамиз, франциялик футболчи Лондоннинг "Челси" клубидан ижара асосида Италия чемпиони сафида ўйнамоқда.
"Менинг мижозим жуда ачинарли аҳволда. Тьемуэ "Милан"га ўтишни хоҳлади, лекин ҳаммаси у хоҳлагандек бўлмади. Сўнгги йилларда у бир қанча клубларда ижара асосида ўйнади. Ҳар йили Бакайоко янги жойга мослашишга мажбур бўлди. Келажакда нима қилиш мумкинлигини кўрамиз", - деди футболчининг агенти Tuttomercato билан суҳбатда.
Агар Бакайоко жорий мавсумда "Милан" сафида маълум ўйинларда қатнашса, жамоа уни доимий равишда сотиб олишга мажбур бўлади. Шу боис ярим ҳимоячи майдонга тушмай, захирада ўтирибди.
