Ekvadorlik sobiq hujumchi Antonio Valensiya Argentina terma jamoasining finaldagi g‘alabasi nima uchun Janubiy Amerika futboli uchun zarurligini tushuntirdi.
"Janubiy Amerika jamoalari yigirma yildan beri jahon chempionligini qo‘lga kirita olmayapti va bu bizni juda xavotirga solishi kerak. O‘shandan beri Yevropa ko‘p jihatlar bo‘yicha Janubiy Amerikadan ancha oldinda bo‘ldi va agar Argentina bu safar finalda g‘alaba qozona olmasa, yangi Janubiy Amerika chempioni uchun yana 20 yil kutishga to‘g‘ri kelishi mumkin. Argentinaliklarning g‘alabasi qit’alar orasidagi tafovutni yo‘qqa chiqaradi”, deb yozdi Valensiya.
