"Roma" qishki transfer oynasida himoyachi Rik Karsdorp bilan xayrlashmoqchi. Jurnalist Nikolo Skiraning xabar berishicha, "Yuventus" 27 yoshli niderlandiyalik futbolchini sotib olish uchun taklif olgan.
Biroq Turin klubi bu variantdan bosh tortdi, chunki “Yuve” bosh murabbiyi Massimiliano Allegri futbolchiga qiziqmagan.
Avvalroq, futbolchi Rim klubi bosh murabbiyi Joze Mourinyo bilan janjallashib qolgandi. Karsdorp yaqinda jamoaga qaytdi va mashg‘ulotlarni davom ettirdi.
Himoyachining "Roma" bilan shartnomasi 2025 yilgacha mo‘ljallangan. Transfermarkt portali futbolchining narxini 9 million yevroga baholamoqda.
U joriy mavsumda “Roma” safida barcha musobaqalarda 11 ta o‘yinda maydonga tushdi.