«Real»ning sobiq yarim himoyachisi Uesli Sneyder «Barselona»ning La Ligadagi chempionlikni nishonlashi borasida keskin fikr bildirdi.

«Bu klub 10 yildan ortiq vaqtdan beri Chempionlar Ligasida g‘olib chiqolmayapti, Yevropada muvaffaqiyatsizlikka uchrab, har mavsum tahqirlanmoqda. Shunga qaramay, ichki chempionatdagi g‘alabani xuddi yana futbol olamini zabt etgandek nishonlashmoqda.

«Barselona» muxlislarining 18 yoshli yigitni chempionlik sovrinlari soni bo‘yicha Krishtianu Ronaldu bilan solishtirishi ko‘p narsadan dalolat beradi — bu klubda standartlar naqadar pasayib ketgani ko‘rinib turibdi.

Krishtianu Ronaldu Angliya, Ispaniya, Italiya va Yevropada deyarli 20 yil davomida hukmronlik qildi. «Barselona» muxlislari tarixdagi eng buyuk o‘yinchilardan birini mazax qilishga (trolling) urinishdan oldin, Chempionlar Ligasi bosqichlaridan o‘tish haqida ko‘proq qayg‘urishlari kerak», — dedi Sneyder.