Dortmundning "Borussiya" klubi hujumchisi Yusuf Mukokoga nafaqat "Chelsi", balki Angliyaning boshqa klublari ham da’vogarlik qilmoqda. Bu haqda The Sun nashri xabar bermoqda.
Manba bergan xabarga ko‘ra, London klubi rahbariyatiga bu yo‘lda "Manchester Yunayted" va "Liverpul" raqiblik qiladi. Ular ham Mukokoga qiziqish bildirishmoqda, biroq nemis futbolchisini qo‘lga kiritishni istagan klublar 18 yoshli nemis futbolchisini yetarlicha o‘yin amaliyotiga ega bo‘lishiga ishontirishlari kerak.
18 yoshli Mukoko joriy mavsumda Dortmundning “Borussiya” klubi safida barcha musobaqalarda 22 ta o‘yinda maydonga tushdi. Hujumchi oltita gol urdi va beshta golli uzatmani amalga oshirdi. Shuningdek u Qatarda bo‘lib o‘tayotgan jahon chempionatida Germaniya terma jamoasiga jalb qilinib, bitta o‘yinda maydonga tushgan.